1 John 4
1បងប្អូនជាទីស្រលាញ់អើយ!សូមកុំជឿគ្រប់វិញ្ញាណពេកចូរពិសោធវិញ្ញាណទាំងនោះដើម្បីឲ្យដឹងថាមកពីព្រះជាម្ចាស់ឬមិនមែនពីព្រោះមានអ្នកនាំព្រះបន្ទូលក្លែងក្លាយជាច្រើនបានចេញទៅក្នុងពិភពលោកនេះហើយ 2យើងស្គាល់វិញ្ញាណរបស់ព្រះជាម្ចាស់បានដោយរបៀបនេះគឺវិញ្ញាណទាំងឡាយណាដែលទទួលស្គាល់ថាព្រះយេស៊ូគ្រិស្ដបានយាងមកក្នុងសាច់ឈាមវិញ្ញាណនោះហើយដែលមកពីព្រះជាម្ចាស់ 3ប៉ុន្ដែវិញ្ញាណទាំងឡាយណាដែលមិនទទួលស្គាល់ព្រះយេស៊ូវិញ្ញាណនោះមិនមែនមកពីព្រះជាម្ចាស់ទេគឺជាវិញ្ញាណរបស់អ្នកប្រឆាំងព្រះគ្រិស្ដដែលអ្នករាល់គ្នាបានឮថានឹងមកឥឡូវនេះគេនៅក្នុងពិភពលោកនេះស្រាប់ហើយ។ 4កូនតូចៗអើយ!អ្នករាល់គ្នាមកពីព្រះជាម្ចាស់ហើយអ្នករាល់គ្នាក៏ឈ្នះពួកគេដែរព្រោះព្រះអង្គដែលគង់នៅក្នុងអ្នករាល់គ្នាធំជាងម្នាក់ដែលនៅក្នុងលោកិយនេះ។ 5ពួកគេមកពីលោកិយបានជានិយាយរឿងរបស់លោកិយហើយលោកិយក៏ស្ដាប់ពួកគេដែរ។ 6រីឯយើងវិញយើងមកពីព្រះជាម្ចាស់ហើយអ្នកណាដែលស្គាល់ព្រះជាម្ចាស់អ្នកនោះក៏ស្ដាប់យើងដែរប៉ុន្ដែអ្នកណាដែលមិនមកពីព្រះជាម្ចាស់អ្នកនោះមិនស្ដាប់យើងឡើយដូច្នេះហើយបានជាយើងស្គាល់វិញ្ញាណនៃសេចក្ដីពិតនិងវិញ្ញាណនៃការបោកប្រាស់។ 7បងប្អូនជាទីស្រលាញ់អើយ! ចូរឲ្យយើងស្រលាញ់គ្នាទៅវិញទៅមកដ្បិតសេចក្ដីស្រលាញ់មកពីព្រះជាម្ចាស់ហើយអស់អ្នកដែលមានសេចក្ដីស្រលាញ់នោះកើតមកពីព្រះជាម្ចាស់ព្រមទាំងស្គាល់ព្រះជាម្ចាស់ដែរ 8ប៉ុន្ដែអ្នកណាដែលគ្មានសេចក្ដីស្រលាញ់នោះមិនស្គាល់ព្រះជាម្ចាស់ទេព្រោះព្រះជាម្ចាស់ជាសេចក្ដីស្រលាញ់។ 9ព្រះជាម្ចាស់បានបង្ហាញសេចក្ដីស្រលាញ់របស់ព្រះអង្គដល់យើងតាមរយៈការនេះគឺព្រះអង្គបានចាត់ព្រះរាជបុត្រាតែមួយរបស់ព្រះអង្គឲ្យមកក្នុងពិភពលោកនេះដើម្បីឲ្យយើងមានជីវិតដោយសារព្រះរាជបុត្រានោះ។ 10សេចក្ដីស្រលាញ់គឺបែបនេះគឺមិនមែនយើងទេដែលបានស្រលាញ់ព្រះជាម្ចាស់ប៉ុន្ដែព្រះជាម្ចាស់ទេតើដែលបានស្រលាញ់យើងហើយបានប្រទានព្រះរាជបុត្រារបស់ព្រះអង្គធ្វើជាយញ្ញបូជាប្រោសលោះសម្រាប់បាបរបស់យើង។ 11បងប្អូនជាទីស្រលាញ់អើយ!បើព្រះជាម្ចាស់ស្រលាញ់យើងដល់ម្ល៉េះយើងក៏ត្រូវស្រលាញ់គ្នាទៅវិញទៅមកដែរ។ 12គ្មានអ្នកណាធ្លាប់ឃើញព្រះជាម្ចាស់ឡើយប៉ុន្ដែបើយើងស្រលាញ់គ្នាទៅវិញទៅមកនោះព្រះជាម្ចាស់គង់នៅក្នុងយើងហើយសេចក្ដីស្រលាញ់របស់ព្រះអង្គបានគ្រប់លក្ខណ៍នៅក្នុងយើង។ 13ដោយរបៀបនេះយើងដឹងថាយើងនៅជាប់នឹងព្រះអង្គហើយព្រះអង្គក៏នៅជាប់នឹងយើងដែរព្រោះព្រះអង្គបានប្រទានព្រះវិញ្ញាណរបស់ព្រះអង្គដល់យើង 14ហើយយើងក៏បានឃើញទាំងធ្វើបន្ទាល់ថាព្រះវរបិតាបានចាត់ព្រះរាជបុត្រាឲ្យមកធ្វើជាព្រះអង្គសង្គ្រោះរបស់មនុស្សលោក 15អ្នកណាដែលទទួលស្គាល់ថាព្រះយេស៊ូជាព្រះរាជបុត្រារបស់ព្រះជាម្ចាស់ព្រះជាម្ចាស់គង់នៅក្នុងអ្នកនោះហើយអ្នកនោះក៏នៅក្នុងព្រះជាម្ចាស់ដែរ។ 16យើងបានស្គាល់ព្រមទាំងបានជឿលើសេចក្ដីស្រលាញ់ដែលព្រះជាម្ចាស់មានដល់យើង។ ព្រះជាម្ចាស់ជាសេចក្ដីស្រលាញ់រីឯអ្នកណាដែលនៅជាប់ក្នុងសេចក្ដីស្រលាញ់អ្នកនោះក៏នៅជាប់នឹងព្រះជាម្ចាស់ហើយព្រះជាម្ចាស់ក៏គង់នៅក្នុងអ្នកនោះដែរ 17ដោយរបៀបនេះសេចក្ដីស្រលាញ់បានគ្រប់លក្ខណ៍នៅក្នុងយើងដើម្បីឲ្យយើងមានសេចក្ដីក្លាហាននៅថ្ងៃជំនុំជម្រះដ្បិតដែលព្រះអង្គជាយ៉ាងណាយើងក៏ដូចជាព្រះអង្គដែរនៅក្នុងលោកិយនេះ។ 18នៅក្នុងសេចក្ដីស្រលាញ់គ្មានសេចក្ដីភ័យខ្លាចឡើយដ្បិតសេចក្ដីស្រលាញ់ដែលគ្រប់លក្ខណ៍កម្ចាត់សេចក្ដីភ័យខ្លាចពីព្រោះសេចក្ដីភ័យខ្លាចជាប់មានការដាក់ទោសដូច្នេះអ្នកណាដែលមានសេចក្ដីភ័យខ្លាចអ្នកនោះមិនទាន់គ្រប់លក្ខណ៍នៅក្នុងសេចក្ដីស្រលាញ់ទេ។ 19រីឯយើងវិញយើងស្រលាញ់ដោយព្រោះព្រះអង្គស្រលាញ់យើងជាមុន។ 20បើអ្នកណានិយាយថាខ្ញុំស្រលាញ់ព្រះជាម្ចាស់ប៉ុន្ដែស្អប់បងប្អូនរបស់ខ្លួនអ្នកនោះជាអ្នកកុហកហើយដ្បិតអ្នកដែលមិនស្រលាញ់បងប្អូនដែលខ្លួនមើលឃើញនោះមិនអាចស្រលាញ់ព្រះជាម្ចាស់ដែលខ្លួនមើលមិនឃើញបានឡើយ។ 21នេះជាបញ្ញត្ដិដែលយើងបានទទួលពីព្រះអង្គមកគឺអ្នកណាដែលស្រលាញ់ព្រះជាម្ចាស់នោះត្រូវស្រលាញ់បងប្អូនរបស់ខ្លួនដែរ។
Copyright information for
KhmKCB